+++اي نوع من الاطفال كنت +++

[color=#ff0000]الطفل البريء

[/color][color=#4169e1]في البيت تلاقيه حبوووب وطبيعي 100 %

لكن مع دخوله المدرسة .. ( تنمحي ) شخصيته ..

فتكثر الاصابات في وجهه .. لأنه مايدافع عن نفسه ..





[/color][color=red]الطفل العنيد [/color]


[color=#4169e1]يطبق نظام البيت بالعكس .. يسوي اللي براسه ..

مايخاف من امه وابوه .. لو قلت له هذا خطر لاتقربه .. عناد فيك يسويه ..

ياكثر مايضرب في طفولته .. ومع ذلك عنيد مايغير رايه ..




[/color][color=red]الطفل الحنّـان [/color]

[color=#4169e1]يستخدم وسيلة الحنة لتلبية رغباته

له نغمه خاصه في البيت..

تلبى رغباته غصب عنك .. يعانون اهله من الصداع المستمر ..




[/color][color=red]الطفل المادي [/color]

[color=#4169e1]هذا الطفل مايرد السلام الا ( بفلوس ) ..

تعامله مع اهل البيت .. مادي بحت ..

يستخدمونه لتوصيل طلبات المنزل .. ونقل السوالف.. وكل شي بحسابه ..




[/color][color=red]الطفل الفتّــان [/color]

[color=#4169e1]تلاقي عند هذا النوع جميع اخبار البيت ..

يلاقي المتعه في اذلال غيره بالفتنه عليه ..

هذا الطفل حتى لو شريت سكوته بفلوس ..

توقع تلقى اخبارك ثاني يوم في الصفحه الرئيسية ..

في الجريدة الرسمية ..




[/color][color=red]الطفل الدلوع [/color]

[color=#4169e1]هذا دلوع امه وابوه .. يكرهونه باقي الاطفال لانه مرفه وشايف نفسه عليهم..

تلبى رغباته قبل ليطلبها .. شخصيته اتكاليه جداً ..




[/color][color=red]الطفل العله [/color]

[color=#4169e1]يزعجك بأسئلته الي ماتنتهي .. يستفسر من كل شي .. حتى لو عطست ..

قالك شلون عطست .. وليش عطست .. وشلون تكونت العطسه ..

يحرجك احياناً .. ويمكن دائماً بأسئلته .. مره تجاوب عليه ومره تسفهه ..

واكثر الاوقات ماتلقى اجابه لاسئلته .. لانك في الحقيقه تجهلها ..




[/color][color=red]الطفل الداج [/color]

[color=#4169e1]هذا الطفل مستحيل يجلس في البيت..

يعيش في الشارع اكثر من بيته .. خبره ودليل في كل ممر وطريق ..

يعرف طول الشارع بالسنتيمتر .. من الممكن ان يصبح اذا كبر مهندس طرق ..




[/color][color=red]الطفل الملسون [/color]

[color=#4169e1]يستانسون اهله على سوالفه .. فصيح جداً ..

ويلقط العبارات والمفردات بسرعة مذهله ..

يسبب احراج دائم لأهله .. يمكن يقول كلمة بالغلط للضيوف او الاقارب ..

يتميز احياناً بقلة الذووق والوقاحة اذا انفعل ..

لاينصح بأستفزازه ابداً ..




[/color][color=red]الطفل اللزقه [/color]

[color=#4169e1]تلقاه مسنتر عند باب البيت .. محد يطلع الا وهو لازق معاه ..

حتى الضيوف من الممكن تلقاه يلزق فيهم ويطلع معاهم ..

ياكثر ماينضرب .. وخاصه من اخوانه اللي اكبر منه .. او خواته ..

لانه عباره عن رادار على طلعاتهم ..

احياناً يضطرون يطلعون من شباك البيت للهروب منه ..

ولكن للأسف يلاقونه بانتظارهم في السيارة ..

ويسألهم ليش تأخرتوا عليّ ..




[/color][color=red]الطفل الهادي [/color]

[color=#4169e1]هذا الطفل ماله صوت ابد .. وين ماتحطه تلقاه ..

احياناً يهملونه اهله .. لانهم ناسينه ..

واحياناً يلقى اهتمام زائد من اهله ..

لو يموت من الجوع ماتكلم ..

في كثير من الاحيان تلقى اهله ناسينه بالسوق او عند الاقارب اثناء الزيارات ..




[/color][color=red]الطفل القوي [/color]

[color=#4169e1]اهله دائماً في احراج و مشاكل مع الناس ..

هرمون الاجرام مرتفع بنسبة عالية في جسمه ..

في كل جبهة طفل في ( منطقتهم ) تلقى له أثر وتوقيع ..((تفلع ))

يمثل القائد والفتوه .. يهابونه الاطفال ..

يتقرب منه الكبار ويتوددون له حفاظاً على سلامة اطفالهم ..


7


7


7


7


7


والحين ..

من اي نوع كنتــــوا ..

وبصراحــــــــة ..؟

منقول[/color]